PANGEK IKAN
Takana pangek ikan
Tabayang suasana baralek di kampuang den
Karano pengek ikan
Menu wajib nan harus tasadio
Asa ado alek
Dek agak sarik mambuekno
Jarang urang mambuek pangek ikan
Kalau indak njik balek
Atau njik hari istimewa
Takana di den suasana dapua/ rumah
Katiko mamasak pangek njik baralek
Nan mamasak adolah amai-amai di suku kami
Atau nan bakarik kasuku kami
Saroman bini mamak
Sabalun mamasak pangek
Biasono masiang-masiang urang
Alah maambiak posisi nan cocok untuak dirino
Ado nan tukang barasiahkan ikan
Ado nan maonggokkan bumbu
Tapi salalu batanyo ka nan lain
Alah cukuik go bumbuno?
Ado nan ka manggiliang bumbu
Wakatu manggiliang bumbu
Nan manggiliang batanyo ka nan lain
Alah du aluh no ?
Ado nan manyiapkan tungku jo pariuak balango
Dan manantukan
Bara gadang api wakatu mamasak
Mangkon nan harus disadiokan ha
Ikan Rayo atau ikan sirah atau ikan paweh
Tondeh, limau sundai, bumbu langkok
Daun limau, daun salam, daun kunyik dan sarai
Lado sirah sanginyiang
Dasun, bawang sirah
Santan kental (?)
Garam
Ikan dun dibarasiahkan
Tapi sisiakno indak dibuang
Kalau ado batalua
Taluano dibarasiahkan dan
Dimasuakkan baliak kaparuk ikan
Kulik limau sundai dikubak
Kalau mjik pangek ikan gon
Jumlah limau sundai gon agak banyak
Sasudah limau sundai dikubak
Di rameh sampai jimek aia no kalua
Masuakan sado bumbu nan alah digiliang aluh
Aduak-aduak sampai rato
Aden lupo pakai santan atau indak?
Pakai santan mungkin tambah sero
Galimangkan adonan bumbu dun ka ikan
Masuakkan dan susun ikan di pariuak balango
Tutuk pariuak jo daun pisang
Sabalun ditutuk ja tutuak pariuak
Mungkin untuak mahalangi uok kalua
Pangek ikan dimasak jo api ba unyai-unyai
Kalau alah kariang aia di pariuak
Tando ikan alah masak
Bantuakno kuniang rancak
Tabik salero katiko mamakanno
Pernah den cubo mambuek surang
Pakai kompor nan agak kancang apino
Gosong ikan nan paliang di bawah
Ondeh mandeh
Alun pandai den mamasak no li
Ka baraja liak
Pariuak balango
Kama ka den cari ?
Bengkulu, 4 Januari 2009
Hanifah Damanhuri
Takana pangek ikan
Tabayang suasana baralek di kampuang den
Karano pengek ikan
Menu wajib nan harus tasadio
Asa ado alek
Dek agak sarik mambuekno
Jarang urang mambuek pangek ikan
Kalau indak njik balek
Atau njik hari istimewa
Takana di den suasana dapua/ rumah
Katiko mamasak pangek njik baralek
Nan mamasak adolah amai-amai di suku kami
Atau nan bakarik kasuku kami
Saroman bini mamak
Sabalun mamasak pangek
Biasono masiang-masiang urang
Alah maambiak posisi nan cocok untuak dirino
Ado nan tukang barasiahkan ikan
Ado nan maonggokkan bumbu
Tapi salalu batanyo ka nan lain
Alah cukuik go bumbuno?
Ado nan ka manggiliang bumbu
Wakatu manggiliang bumbu
Nan manggiliang batanyo ka nan lain
Alah du aluh no ?
Ado nan manyiapkan tungku jo pariuak balango
Dan manantukan
Bara gadang api wakatu mamasak
Mangkon nan harus disadiokan ha
Ikan Rayo atau ikan sirah atau ikan paweh
Tondeh, limau sundai, bumbu langkok
Daun limau, daun salam, daun kunyik dan sarai
Lado sirah sanginyiang
Dasun, bawang sirah
Santan kental (?)
Garam
Ikan dun dibarasiahkan
Tapi sisiakno indak dibuang
Kalau ado batalua
Taluano dibarasiahkan dan
Dimasuakkan baliak kaparuk ikan
Kulik limau sundai dikubak
Kalau mjik pangek ikan gon
Jumlah limau sundai gon agak banyak
Sasudah limau sundai dikubak
Di rameh sampai jimek aia no kalua
Masuakan sado bumbu nan alah digiliang aluh
Aduak-aduak sampai rato
Aden lupo pakai santan atau indak?
Pakai santan mungkin tambah sero
Galimangkan adonan bumbu dun ka ikan
Masuakkan dan susun ikan di pariuak balango
Tutuk pariuak jo daun pisang
Sabalun ditutuk ja tutuak pariuak
Mungkin untuak mahalangi uok kalua
Pangek ikan dimasak jo api ba unyai-unyai
Kalau alah kariang aia di pariuak
Tando ikan alah masak
Bantuakno kuniang rancak
Tabik salero katiko mamakanno
Pernah den cubo mambuek surang
Pakai kompor nan agak kancang apino
Gosong ikan nan paliang di bawah
Ondeh mandeh
Alun pandai den mamasak no li
Ka baraja liak
Pariuak balango
Kama ka den cari ?
Bengkulu, 4 Januari 2009
Hanifah Damanhuri
Tidak ada komentar:
Posting Komentar
Saya tunggu komentar anda