Rabu, 20 Mei 2009

PANTUN BERSAMBUNG

PANTUN BERSAMBUNG
(by Hanifah, Masrur sidik, Irsyad )


Rangkayo Ifah bijak bestari
Goresan puisi nou curahan hati
Baa kok "andeh jo apak" bacarai kini
Mabuek cameh anak nagari

Bapak Masrur Sidik yang baik
Yang ikut mengamati politik
Bacarai " andeh jo apak " mungkin jalan terbaik
Biar perbedaan budaya indak jadi pinyakik

Sia nan andeh
Sia nan apak
Iyo ndak jaleh
Di awak doh pak

Kok buliah awak bakandak
Mohon kirono kasadioan bapak
Jalehkan malah di bapak
Baa mangkono " andek jo apak basiarak "

Baa kok "andeh jo apak" bacarai kini
Mambuek cameh anak nagari
Tantu ado nan manggili
Ado pulo nak ingin jadi mantari
Bacarai " andeh jo apak " mungkin jalan terbaik
Biar perbedaan budaya indak jadi pinyakik
Panyakik digalitik tukang ungkik
Supayo badan awak ko rangkik-rangkik

Sia nan andeh
Sia nan apak
Alah jaleh
Qalbu surang nan tebak

Jalehnyo di qalbu maa andeh maa apak
Ndak elok andeh jo apak basiarak
Rang sarumah jadi bacakak
Rang sakampuang bosorak

Kalau nak iyo ka jadi mantari
Kompetensi ado ano datang sendiri
Iyo Jan mamuji-muji...manjua diri....
Apo lai mamuji diri sandiri


Mamuji diri sandiri kini makin manjadi
Narsisme istilah nou kini
Perilaku nan labiah ditonjolkan sandiri
Kompetensi nan di asuah sajak dini

Basiarak apak jo amak
Matilah awak di agak-agak
Di turuik apak, tingga amak
Di turuik amak, tingga apak

Gara-gara amak nan pandai balari kancang
Balari surang ka tangah galanggang
Tinggakan bapak nan tacangang cangang
Manyadari tali kasiah nan alah guyang

Amak manyangko
Dunia milikno
Kanyataannyo
Talenta apak labiah darino

Tasintak amak
Jo kurenah no
Babaliak ka apak
Indak ditarimo

Kini apak jo amak samo batuka pasangan
Apak mamiliah sakampuang halaman
Amak mamiliah jo konco sapamainan
Tinggalah denai sakik garaman

Den turuik apak, amak tingga
Den turuik amak, apak tingga

Darah nan mangalir di badan den
Samo liano jo amak den
Ka den turuik amak den
Kok ndak ado biko pitih den


Bengkulu, Mei 2009

Tidak ada komentar:

Poskan Komentar

Saya tunggu komentar anda