BARASIAN
Bola
ABSSBK
Pulkam
Bakacamuak dalam pikiran
Sampai-sampai jadi rasian
Dek parangai den mantiko sajak dulu
Pernah kanai bangih den dibako den
“Kok iduik ayah den liak
Mancaliak parangai kalian
Langsuang pingsan ayah den”
Den bae sen galak manih
Tapi kato-kato itu acok takana
Baa ndak kabangih bako den
Kodek jo salendang
Baganti jo sarawa salutuik
Karajo mamadek labuah
Maranangi tabek gadang
Bagadencak dilapangan volli
Balain bana jo jaman
Katiko Inyiak den iduik
Padusi indak buliah bakawan jo laki-laki
Jan kan ka mamadek labuah
Ruang baraja anak padusi
Babedo jo ruang baraja anak laki-laki
Jodoh anak padusi bacarian
Indak cari surang
Inyiak den nan maajakan ka urang kampuang
Baa manjalankan ABSSBK
Dalam bahubungan sasamo manusia
Dan bahubungan dengan Allah
Sangkek itu urang patuah
Dan maikuti ajaran Inyiak den
Dalam rasian
Datang Inyiak den nan basaroban
Saroman saroban AA GYM
Nan mambuek Inyiak den
Nampak ganteng dan wibawa
Kato inyiak den ka den
“Sabalun maasinkan urang lain
Asinkan dulu diri surang”
Tamanuang den
Mamikiakan
Apolah mukasuik
Pasan inyiak den dun
Bengkulu, 11 Juli 2010
Hanifah Damanhuri
