PANIANG KAPALO DI PASA
Di tangah pasa
Tagamang badan babalanjo
Apo nan di tanyo
Sagalo naiak haragono
Takana lagu lamo
“ Tambahlah tambah pitih balanjo da
Apo dibali sabana maha da
Paniang kapalo pai manuka da
Tambahlah tambah pitih balanjo da …”
Apo nan jadi rancano
Katiko kapai babalanjo
Tapaso batuko jadino
Disasuaikan isi sakuh jo balanjo
Tamanuang badan pulang dari balanjo
Tabayang pangaluaran labiah dari biaso
Anak bakandak, hati taibo
Indak dituruikkan, ndak sayang katono
Ondeh baalah carono
Manyiasati mahano harago
Takana lo liak pituah bako
Jalang marantau katiko mudo
“Belanjalah sesuai keperluan atau
Belanjalah sesuai kemampuan”
Huuuhhhhh tapaso
Jan sampai gadang pasak dari tiang
Diagak-i salero
Kancangkan ikek pinggang
Bengkulu, 9 Juli 2010
Hanifah Damanhuri
