TARAMPEH
DI JALAN DATA
Katiko
mandaki puncak gunuang
Jalan
nan dilalui kadang terjal
Dan
tapaso bagantuang ka aka kayu
Kadang
bapacik kakawan sapajalanan
Hati-hati
sudahlah pasti
Talabiah
katiko turun
Jurang
suok kida
Jaleh
tampak bana
Dek
hari alah siang gadang
Hati-hati
dan badoa jadi bagian parjalanan
Katiko
di jalan data
Asyik
maota jo kawan sabaya
Kadang
bagarah ndak kira-kira
Kawan
barubah jadi lawan
Namono
tarampeh di jalan data
Tarampeh
di jalan data
Sakikno
jan di tanya
Saroman
takicuah di jalan tarang
Indak
kasia sakik kadikadukan
Tarumuak
badan kasudahanno
Padang,
2 Maret 2013
Hanifah
Damanhuri