TAKANA

TAKANA

(Untuak mamak Mufni)

Tasunggiang sanyum
Mancaliak mamak mancogok di lapau
Mancogok sambia galak
Galak nan panuah arati

Pangana babaliak ka balakang
Ka babarapo tahun nan lalu
Takana parangai awak
Awak galitik mamak nan pambangih
Sampai indak bisa bangih – bangih

Katiko indak pambangih lai
Awak bae baguru ka mamak
Baraja baa caro manulih puisi
Isi puisi nan awak tulih
Inda asak dari mamak

“ Cerita tentang Kita “
Puisi nan paliang awak suko
Sambai galak awak manulihno
Antah dima kini latakno

Kadang awak batanyo ka mamak
Urang dun alim nampakno ndak ?
“ Indak, alah takontaminasi kota Jakarta “
Urang nan iko luar biasa ndak ?
“ Munafik, lain nan di pikia, lain nan dikato, lain nan dibuekno”
Alun sempat awak batanyo urang nan lain
Mamak ma ilang dari lapau
Awak bae batandang ka lapau lain

Di lapau lain
Awak asah taruh ilmu dari mamak
Kadang awak lampirkan ka lapau gon
Awak yakin
Diam-diam mamak sato mambacono

Takajuk awak
Rupono mamak suko
Carito tantang cinto
Sumangaik mamak maresponno

Mamak Mufni nan jano denai
Mancaliak kurenah rang mudo ranah
Patuik awak basyukur ka nan Kuaso
Anak bujang awak
Nan gadang di lua ranah
Labiah sopan dan santun
Malang malintang di jabodetabek
Sabagai pamain bola
Sabagai panyanyi nasyid
Sabagai aktivis forum ekonomi syariah
Apo nan tajadi di ranah du mamak ???

Bengkulu 1 Agustus 2008

Hanifah Damanhuri