MANCONTRENG

MANCONTRENG

Sabalun pai ka TPS di halaman SMP
Batanyo wak ka uda
Sia nan ancak dipilah atau di contreng beko
Kalau partaino aden alah punyo pilihan
Tapi indak tantu di awak caleg nan kawak piliah
Ndak ado nan awak kenal

Di agiah uda babarapo alternatif
Dan bacatat di karateh namo dan nomor urutno
Sambia manunggu giliran
Uda ajak baliak mancaliak namo-namo Caleg
Nan tapampang di papan
Pilihan jadi barubah jo nan ado di catatan

Dek banyakno partai
Banyakno Caleg
Karateh suaro nan laweh
Mungkin peserta batambah pulo
Alah mugarik ari
Pangituangan suaro
Alun juo salasai lai
Sakileh tadanga
Demokrat jo PKS basaiang ketat

Takana di awak di jaman ORBA
Angek sangaik ati wak katiko partamo mamiliah
Taraso sangat bararti suaro wak
Eh rupono sia sen nan wak piliah
Presidenno samo sennoh
Calon tungga, kato anggota MPR
Kasudahanno maleh wak sato mamiliah

Sajak Presiden dipiliah langsuang oleh rakyaik
Sato lo wak mamiliah baliak
Angek ati wak
Partai nan wak piliah
Tamasuak nan barasiah
Capres nan wak piliah
Iyo bana jadi presiden
Dan tatap tampak gagah sampai kini
Antahlah
Antah sia nan ka wak piliah nanti
Tagantuang situasi nanti


Bengkulu, 9 April 2009



Hanifah Damanhuri