BAGADANG SUP TULANG

Bagadang Sup Tulang


Alah tibo musim haji
Takana parangai katiko ABG
Sasudah sumbayang rayo haji
Sasudah makan di hari rayo
Di bulakang surau gadang
Dilakukan pamotongan kurban


Dibawah koordinasi uni Ratna
Para ABG bakumpua di surau batu
Remaja SurBat namo kalompokno


Tugas anak laki-laki
Mangumpuakan tulang sapi
Manjapuik aia barasiah ka pincuran
Mancari kayu api atau
Mambali kayu api


Tugas anak padusi
Mangumpuakan bareh
Nan babao dari rumah sagaleh surang
Mambali bumbu sup
Mamintak daun sup (bawang perai + salodari)
Dan manantukan
Di rumah siapo tampek mamasak
Manyiapkan alat mamasak
Manyiapkan nan kadimasak
Dan mamasak rami-rami
Sambia maota kian kamari
Dan galak-galak hi hi hi


Sasudah mugarik
Apo nan dimasak siang tadi
Diangkuk ka surau batu
Di awali acara seremoni
Ditaruihkan jo makan rami-rami
Makan sup capak-capak-i
Ondeh sanangno ati
Buliah batambuah sapueh hati


Remaja Surbat di jaman kami
Sangaik kompak sakali
Apolai adiak-adiak sapaningga kami
Mambuek harum namo nagari
Acok mambao pulang prestasi
Piala berjejer di lamari nagari
Hasil kompetisi antar nagari


ABG kini ???
Antahlah
Malah sempat tadanga
Sabagian korban Narkoba
Salah sia ???


Bengkulu, 5 November 2008





Hanifah Damanhuri