MAK ITAM, MAK SIRAH, MAK UTIAH
Mak Itam
Kulik itam mangkilek samparono
Bantuak gagah, pujaan di jaman Bulando
Rajo jalanan di ranah bundo
Sangaik badaso kahadiranno
Manyimpan banyak carito
Tukang uruk nan badaso
Sajak umua mak itam alah tuo
Banyak diam dari bakarajo
Mak Sirah
Kulik sirah
Bantuak ikan sirah
Gagah
Mewah
Ramah
Tinngano jauh dari ranah
Alun kenal jo ranah
Alun mungkin dibaok ka ranah
Mak Utiah
Kulik sabana putiah
Bantuak ikan putiah
Sagalo atribut balabiah
Mancaliak no mato jadi mamutiah
Tingga di nagari rang kulik putiah
Cigin larino labiah dari kudo putiah
Kalau buliah mamiliah
Mari kito piliah mak utiah
Mak Itam
Mak Sirah
Mak Utiah
Alah manyita paratian
Bung Kurnia & Da Nofrin
Nan manginginkan
Katigo mamak, badunsanak di ranah
Mambao barakah untuak ranah
Ayo awak dukuang basamo
Bengkulu, 23 Mei 2010
Hanifah Damanhuri
