TABEK GADANG
Angek bana hari taraso
Indak manga-manga bapaluah juo
Dihari nan saangek nangko
Barandam di aia alangkah sero
Takana di den Tabek Gadang
Di kampuang den Sungai Tanang
Indak tantu pagi jo patang
Tiok sacah mahambua ka Tabek Gadang
Kaja bakaja di Tabek Gadang
Kadang-kadang lomba baranang
Indak paduli kalah atau manang
Nan pantiang hati sanang
Baa mangko hari saangek nangko
Kapai kama-kama maleh tibo
Apo nan dimasak indak basalero
Tiok sacah auh taraso
Baru angek hari labiah dari biaso
Alah galisah badan taraso
Baa pulo nanti kalau di narako
Angekno indak dapek dikiro
Ya Allah Yang Maha Pengasih dan Maha penyayang
Lindungilah kami dari godaan setan yang terkutuk
Ampunilah dosa kami
Hindarilah kami dari api neraka.
Amin Ya Rabbal Alamin
Bengkulu, 1 Mei 2010
Hanifah Damanhuri